Жазаларды аткаруу мамлекеттик кызматына дайындалган Мелис Турганбаевдин өмүр баяны

Мурдагы ички иштер министри Мелис Турганбаев Жазаларды аткаруу мамлекеттик кызматынын төрагасы кызматына дайындалды. Маалыматты бүгүн, 8-февралда өкмөттүн маалымат кызматынын башчысы Чыңгыз Эсенгулов тастыктады.

ЖАМКнын маалымат кызматы вице-премьер-министр Жеңиш Разаков Турганбаевди жамаат менен тааныштырганын SUPER.KG'ге маалымдады.

Өмүр баяны:

Мелис Турганбаев 1962-жылы 19-февралда Фрунзе шаарында төрөлгөн;

1983-жылы Кыргыз мамлекеттик университетин экономист адистиги боюнча аяктаган;

1986-жылы Кыргыз ССР ИИМдин кылмыш иликтөө башкармалыгынын ыкчам кызматкери;

1987-жылы Бишкек шаарынын Свердлов РИИБинин кылмыш иликтөө бөлүмүндө ыкчам кызматкер;

1993-жылы Бишкек шаарынын Свердлов РИИБинин кылмыш иликтөө бөлүмүнүн жетекчиси;

1996-жылы Бишкек шаарынын Свердлов РИИБинин жетекчисинин орун басары;

1998-жылы ИИМдин Кылмыш иликтөө башкармалыгынын жетекчисинин орун басары;

2000-жылдан тарта ИИМдин Кылмыш иликтөө башкы башкармалыгынын жетекчисинин орун басары жана оор кылмыш иштери менен күрөшүү башкармалыгынын жетекчиси;

2001-жылы Бишкек шаардык Биринчи Май РИИБинин жетекчиси. Ушул эле жылы Бишкек ШИИББинин жетекчисинин орун басары;

2005-жылы ИИМдин Кылмыш иликтөө башкы башкармалыгынын жетекчиси;

2006-жылы ИИМдин Уюшкан кылмыштуулукка каршы күрөшүү башкы башкармалыгынын жетекчиси;

2008-жылы ички иштер министринин биринчи орун басары;

2008-жылы Маңзаттарды көзөмөлдөө агенттигинин директору;

2010-жылы ички иштер министринин биринчи орун басары;

2014-жылы ички иштер министри болуп дайындалган;

2016-жылдын 30-май күнү өз каалоосу менен министрлик кызматтан кеткен.