Үстүбүздөгү жылдын 6 айында ичеги оорулары менен жабыркагандардын саны 8000ге жетти

Үстүбүздөгү жылдын 6 айында ичеги оорулары менен жабыркагандардын саны 8000ге жетти. Бул тууралуу Оорулардын алдын алуу жана мамлекеттик санитардык-эпидемиологиялык көзөмөл департаменти билдирди. Маалыматка ылайык, өткөн жылга салыштырмалуу бул ооруга кабылгандардын саны 17 пайызга азайган. Ичеги оорусу менен ооругандар Баткен, Жалал-Абад облустарында жана Ош шаарында көп катталган. Ал эми учурда 14 жашка чейинки балдар арасында оору күч алууда. Жаш балдар ичеги ооруларына кабылгандардын 84 пайызын түзөт.