Ысык-Көлдө базардан 11-класстын окуучусунун жансыз денеси табылды

Ысык-Көл облусунун Каракол шаарындагы унаа базарынын жанынан 11-класста окуган окуучунун жансыз денеси табылды. Бул тууралуу облустук милициядан кабарлашты.

Маалым болгондой, жансыз дене бүгүн, 12-февралда саат 08:25 чамасында табылган.

"Базардан өтүп бараткан адамдар окуучуну таап, милиция кызматкерлерине кабарлашкан. Ыкчам-тергөө тобу барып окуучу киши колдуу болуп каза болгонун аныкташкан. Анын жанынан кан болгон таяк табылган. Ал эми маркум Каракол шаарындагы №5 мектептин окуучусу болгон. Атасынын айтымында, ал кечээ түнкү саат 12:00 чамасында суранып үйдөн чыгып кеткен. Учурда Каракол ШИИБи бул факт боюнча Кылмыш-жаза кодексинин 130-беренеси "адам өлтүрүү" менен иш козгоп, шектүүлөрдү издөө иштерин жүргүзүшүүдө", - деп билдирет басма сөз катчы.