Индияда дарыгерлер бейтаптын ичине медициналык шайманды унутуп калышкан

Индиянын Хайдарабад шаарында дарыгерлер операция жасоо учурунда бейтаптын ичине медициналык шайманды унутуп калышкан. Бул тууралуу чет элдик маалымат булактары жазып чыгышты.

Маалыматка ылайык, 33 жаштагы Махешвари аттуу аял грыжасын алдыруу үчүн дарыгерлерге кайрылат. Операция ийгиликтүү өтөт. Бирок бир аз убакыт өткөн соң Махешваринин ичи катуу ооруп, дарыгерлерге кайрылууга мажбур болот. Рентген аппаратынын сүрөтү чыккандан кийин гана бейтаптын ичинде медициналык шайман бар экени белгилүү болгон.

Бул туурасында жалпыга маалымдоо каржаттарына бейтапка 2-ирет операция жасаган хирург Манохар Лал маалымдаган. "Учурда бейтаптын абалы жакшы. Анын туугандары дарыгерлердин көңүл коштугуна жана шалаакылыгына нааразы болуп, тиешелүү адамдар жазасын алсын деген талап менен полиция кызматкерлерине кайрылышкан", - деп билдирген Манохар Лал.