Түтүнгө ууланган 3 баланын атасы: "Эч нерсебиз калбай күйүп кетти, бирок азыр балдарымдын ден соолугу маанилүү болуп жатат"

Бишкектин Свердлов районуна караштуу Келечек конушундагы турак үй толугу менен өрттөнүп, түтүнгө ууланган 3 баланын абалы оор. Мындай маалыматты балдардын атасы Рустам Таштанбек уулу билдирди.

Анын айтымында, балдарынын улуусу менен кичүүсүнүн абалы оор.

"Ошол күнү жумушта болчумун. Аялымдын 8 айлык боюнда бар. Ал жарык өчүп калгандыктан үйдөгү бардык электр жабдыктарын өчүрүп, үйдүн жанындагы поликлиникага кеткен экен. Ал кетери менен жарык күйүп үйдүн ичинен электр зымдарынын чукул туташуусу болуп өрт чыгыптыр. Муну улуу балам айтып берди. Учурда жубайым нес абалда болуп жатат. Үйдүн ичинде эч нерсе калбай күйүп калды. Эми азыр балдарымдын ден соолугу маанилүү болуп жатат",- дейт балдардын атасы.

Рустам Таштанбек уулунун айтымында, алар азыр жардамга муктаж.

Жардам берүүнү каалагандар үчүн ЭЛСОМ: 0700 29 23 95