Караколдо каза болгон 11-класстын окуучусунун өлүмү боюнча мектеп окуучулары камакка алынышты

Ысык-Көл облусунун Каракол шаарындагы унаа базарынын жанынан жансыз денеси табылган мектеп окуучусунун өлүмүнө шектүүлөр 2 айга камакка алынышты. Бул тууралуу облустук милициянын басма сөз кызматы кабарлады.

Маалыматка ылайык, чечимди Каракол шаардык соту чыгарган. Анда 8 мектеп окуучусунун ичинен 17 жаштагы үчөө 2 айга, ал эми 16 жаштагы экөө 1 айга камакка алынды.

Бүгүн, 14-февралда шаардык сот 19 жаштагы Н.Т. жана 17 жаштагы С.Д. менен К.А.нын баш коргоо чарасын карайт.

Буга чейин окуучунун өлүмүнө шектелип 8 мектеп окуучусу кармалып, алар каза болгон бала менен жакшы мамиледе болбогонун алгачкы суракта айтышкан.