Бишкек шаарында стилист Асел Мамбеткалиева жол кырсыгына кабылып, жардамга муктаж болууда

Бишкек шаарында стилист Асел Мамбеткалиева жол кырсыгына кабылып, жардамга муктаж болууда. Мындай маалыматты Мамбеткалиеванын кесиптештери социалдык тармактарга жазып чыгышты.

"Биздин досубуз жана кесиптешибиз стилист Асел Мамбеткалиева Бишкек шаарында жол кырсыгына кабылды. Жаңылыктарды көрсөңөр керек. Азыр анын жаны кылдын учунда турат. Дарыгерлер 3 операция жасады. Ички органдары катуу жабыркаптыр. Азыр бул назик кыздын жүрөгү чыдабай калат деген коркунучтар пайда болууда. Рулду башкарган эркек киши каза болуп калды. Бирок биздин досубузду сактап калсак болот. Аселдин 3 баласы бар. Ал дайыма кайрымдуулук акцияларына жана долбоорлоруна катышып келген. Азыр ага жардам берүүгө убакыт келди. Бизге сиздин жардамыңыз керек. Достор, жардам бергилечи", - деп жазган кесиптеши Мади Бекдаир.

Асел Мамбеткалиева оор операция жасала турганына байланыштуу жардамга муктаж болууда.

Белгилүү болгондой, жол кырсыгы 17-февраль күнү болжол менен саат 13:15 чамасында Дэн Сяопин жана Фучик көчөлөрүнүн кесилишинде орун алган. Анда Лексус үлгүсүндөгү жол тандабастын айдоочусу жол боюндагы мамыны сүзгөн. Кырсыктын кесепетинен унаанын айдоочусу көз жумуп, жүргүнчү №4-шаардык ооруканага жеткирилген.

Жардам берүүнү каалагандар үчүн банктык эсеп: KICB 1280 1660 4062 2048