Германия Кыргыз мамлекетине жаштардын саясатын колдоо иретинде 4 миллион евро бөлөт

Бүгүн, 18-февралда Жогорку Кеңештин Бюджет жана финансы боюнча комитетинин жыйыны өтүп жатат. Аталган жыйында Германия Кыргыз мамлекетине берип жаткан грант тууралуу маселе каралууда.

Жыйында депутат Марлен Маматалиев Германия жаштарды колдоо иретинде бөлүп жаткан 4 миллион евро каражат кандай жумшаларын сурады.

Жаштар, дене тарбия жана спорт агенттигинин өкүлү жаштардын өнүгүүсүнө бөлүнүп жаткан каражат 4 компонент менен ишке ашарын билдирди.

"1. Мамлекеттик деңгээлде жаштардын саясатын колдоо;

2. Айыл өкмөттөрдүн деңгээлинде жаштардын саясатын колдоо;

3. Жаштарды жумушсуздук менен камсыз кылуу үчүн 2 миң еврого чейин каражат бөлүп берүү;

4. Туризм тармагында заман талабына ылайык иштерди алып баруу", - деди аталган комитеттин өкүлү.

Депутат грант катары бөлүнгөн каражат тренингдер менен эле чектелип калбай, өлкөгө пайда алып келүүчү жакшы жыйынтык берүүсү керектигин эскертти.