"Коопсуз шаар". Бишкектин дагы кайсы көчөлөрүнө камералар орнотулат?

"Коопсуз шаар" долбоорунун алкагында 6-мартка чейин дагы 9 көчөнүн кесилиштерине көзөмөл жабдыктары (камералар) орнотулат. Маалыматты Бишкек шаардык мэриясынын басма сөз кызматы билдирди.

"Коопсуз шаар" долбоорун ишке ашыруунун экинчи этабынын алкагында жол эрежелерин бузган айдоочулардын жолдо жүрүүсүн көзөмөлдөй турган камералар төмөнкү көчөлөрдүн кесилиштерине орнотулат.

1. Бөкөнбаев-Манас көчөлөрү:

2. Чүй кең көчөсү-Манас көчөлөрү;

3. Чүй-Павлов көчөлөрү;

4. Жибек Жолу-Манас көчөлөрүнүн кесилиши;

5. М.Ганди-Боталиев көчөлөрү;

6. Жибек Жолу-Курманжан датка;

7. Ахунбаева-Байтик баатыр көчөлөрү;

8. Чүй-Абдрахманов;

9.Байтик баатыр-Горький көчөлөрүнүн кесилиштери.

Көзөмөлдөөчү жабдыктарды орнотуунун кийинки этаптары 8-апрелде уланып, дагы 11 кесилишке коюлмакчы. Ал эми 10-майда дагы 8 көчө кесилиштерине орнотулат.

Белгилей кетсек, ушул жылдын 10-февралына чейин 10 көчөнүн кесилиштерине камералар орнотулуп, иштей баштаган.