super.kg logo

Жогорку Кеңештин депутаты Тазабек Икрамовго билим берүүнүн отличниги наамы мыйзамды одоно бузуу менен берилгени айтылды

 

Коопсуздук кеңешинин алдындагы коррупцияга каршы стратегияны ишке ашыруу көзөмөл боюнча жумушчу топтун мүчөсү Кайрат Осмоналиев аталган кеңештин катчылыгы Дамира Сагынбаевага Билим берүү министрлигиндеги коррупциялык иштер боюнча кайрылуу жасаган. Бул тууралуу Осмоналиев SUPER.KG порталына тастыктады.

Ал Жогорку Кеңештин депутаты Тазабек Икрамовго Кыргыз Республикасынын Билим берүүнүн отличниги наамы берилгени тууралуу нааразычылык пикирин билдирди.

"Тазабек Икрамов билим берүүнүн отличнигин алды деген маалымат чыкты. Мен бул маселе боюнча юрист катары документтерди текшерип чыктым. Чындыгында Икрамовго билим берүүнүн отличниги наамын берүүдө одоно мыйзам бузуу болуптур. Биринчиден, ал мугалим эмес, 20 жылдык тажрыйбасы жок, билим берүүнүн Ардак грамотасын дагы алган эмес. Анткени отличникти алуудан мурда Билим берүү министрлигинин Ардак грамотасын алуусу керек деген талап жазылып турат. Билим берүү министрлиги депутатка талаптарды бузуу менен отличник наамын берип жатыптыр. Талап боюнча бул наамга талапкерлер бир ай мурда аталган министрликтин расмий сайтында илинип турушу керек. Сайтына кирсем бир да маалымат жок", - деди Осмоналиев.

Мындан тышкары Осмоналиев коопсуздук кеңешинин мүчөлөрү 2016-жылы Билим берүү жана илим министрлигине атайын анализ жүргүзүлүп, коррупциялык иштерге каршы план кабыл алынганын айтты.

"Анда 230 коррупция менен күрөшүү боюнча иш-чаралар планы иштелип чыккан. 2018-жылдын 1-мартында 230 белгиленген пландын жарымы дагы аткарылган эмес. Ошол учурда катуу сындар айтылып, чечим чыккан. Башкы прокуратура өзүнүн баасын берип, Билим берүү министрлигинин башчыларына дисциплинардык жаза берилиши керек деп айтылган эле. Бирок аткарылган да жок", - деди ал.

Кайрат Осмоналиев Коопсуздук кеңештин катчылыгына мындай деп кайрылган "билим берүү министрлигинин жоопкерчилик маселесин кароо керек. Керек болсо аны жумуштан кетирүү зарыл. Ошондой эле анын Икрамовго билим берүүнүн отличниги деп кабыл алган чечимин мыйзамсыз деп жокко чыгаруу керек".






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 2 
Комментарийлер(2)
19.02.2019. 19:08 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+6
2 жыл дене тарбия мугалими болуп иштеген адамга билим берүүнүн отличниги берүү бул шермендечилик. Берген адамды иштен айдап берилген наамды жокко чыгаруу керек.
19.02.2019. 19:20 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+4
Оозу кыйшык болсо да байдын уулу суйлосун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: