ЭЛДИК ВИДЕО: "Кубанычтын көз жашы. Эркиндикке чыккан Чыңгыз Анарбек уулун жакындары тосуп алды"

SUPER.KG порталынын "Элдик видео" бөлүмүнө "Москвада унаасы менен элди сүзүп алган Чыңгыз Анарбек уулу эркиндикке чыкты" деген видео жүктөлдү.

Ал видеодон айдоочуну жакын адамдары жылуу тосуп алганын көрүүгө болот. Башына түшкөн сыноо, анын артта калганына кубанган таксист жакындарынын жанында эрксизден көзүнө жаш алды. Достору аны колдоп, жанындагылардын да кубангандан ыйлаганын көрүүгө болот.

Интертентке тарап жаткан бул видеону көргөндөр Анарбек уулуна мындан ары бөөдө кырсыктан алыс болсун деген тилектерин билдиришүүдө.

Чыңгыз Анарбек уулу 19-февралда эркиндикке чыкканы маалымдалган. Ал 2018-жылы 16-июнь күнү Москванын борбордук көчөлөрүнүн биринде мексикалык футбол күйөрмандарын сүзүп кеткен. Кырсыктан 8 киши жаракат алган. Айдоочу полиция кызматкерлерине сурак берип жатканда күнү-түнү иштеп уктабагандыктан жолдо уктап кеткенин айткан.

Факты боюнча кылмыш иши козголуп, Анарбек уулу тергөө абагына камакка алынган болчу. Москва шаарынын Тверь райондук соту Анарбек уулун 1 жыл 6 айга кара жумушка тартууну чечсе, Смоленск облустук соту аны мөөнөтүнөн мурда бошотуу боюнча чечим чыгарган.