"Мен эч качан эркек менен жыныстык катнашта болгон эмесмин". Кытайда аял толготуу учурунда төрөттөн баш тартты

Кытайдын жашоочусу толгоо учурунда "мен эч качан эркек менен жыныстык катнашта болгон эмесмин" деп баласын төрөөдөн баш тарткан. Бул тууралуу The Mirror басылмасы жазды.

Кытайдын Гуйчжоу провинциясындагы Гуйян шаарынын 20 жаштагы тургуну 6-февраль күнү ичи чыдатпай ооруганы үчүн ооруканага келип түшкөн. Дарыгерлердин айтымына караганда, бейтап өзүнүн кош бойлуу экендигин толук (толмоч денелүү) болгондугуна байланыштуу байкаган эмес. Ал кош бойлуу экенин моюнуна албай төрөөдөн баш тартып, дарыгерлерге кыздык белгисин текшерип берүүсүн талап кылган.

Врачтардын төрөт кабыл алуусуна кош бойлуу бейтап тоскоолдук жаратып, бул нерсе дарыгерлердин катачылыгы деп туруп алган. Ал эркек менен жыныстык катнашка бармак тургай жолукпаганын жана эркектерди жаман көрөрүн айткан. Күмөн санаган дарыгерлер андан "кайсы бир кечеден билбей калганча ичимдик ичип анан жыныстык байланыш болгон эмес белең?" деп сурашканда, ал ичимдик ичпесин айткан.

Кош бойлуу кыздын каршылыгына карабай, акыры дарыгерлер кесарево жолу менен төрөтүшкөн. Энеси ымыркайдын жанына жологусу да келбей койгондуктан аны кыздын ата-энесине өткөрүп беришкен. Учурда кыз ымыркайды балдар үйүнө берери же бербесин жана баланын атасы ким экендигин айтпай жаткан учуру.