Сауд Арабияда өтө турган этнофестивалда улакчы Манас Ниязов катышпай турганы белгилүү болду

Сауд Арабияда өтө турган этнофестивалда улакчы Манас Ниязов катышпай турганы белгилүү болду. Бул тууралуу Кыргыз Республикасынын көк бөрү федерациясынан кабарлашты.

Белгилүү болгондой, Сауд Арабияда 9-19-март аралыгында этнофестиваль өтөт. Ага Кыргыз өлкөсү дагы катышып, 1 миңге жакын катышуучу барат.

"Бул фестивалдын алкагында кыргыз улакчылар көргөзмө оюндарды тартуулап, ага 5 облустун командасы катышат. Ар бир командадан 10 улакчы аттары менен барышат. Анда Бишкек, Чүй, Талас, Ош жана Ысык-Көл командалары катышат", - деп билдиришти федерациядан.

Ошондой эле, фестивалга катышкан улакчылар тилекке каршы Нооруз майрамына арналган Өлкө чемпиондугуна катышпай калышат.

Көк бөрү федерациясы фестивалга катышуучулардын берген тизмесине караганда, ага өлкөбүздүн мыкты улакчысынын бири Манас Ниязов катышпайт. Буга себеп ал Өлкө чемпиондугуна катышууну көздөп жатат.

Командалардын тизмесинде көчмөндөр оюндарында Кыргыз улуттук курама командасында ойногон Рустам Тыналиев, Таштемир Майлыбашов жана башкалар бар.

Тизме жакынкы күндөрдө жарыяланат.