Мамлекеттик сатып алуулар департаментинин директорлугуна Нурида Байзакова дайындалды

Мамлекеттик сатып алуулар департаментинин жетекчилигине Нурида Байзакова дайындалды. Бул тууралуу өкмөттүн маалымат кызматы бүгүн, 21-февралда кабарлады.

Маалыматка ылайык, тиешелүү буйрукка Мухаммедкалый Абылгазиев кол койду.

13-февралда премьер-министр мамлекеттик сатып алуулар тутумун реформалоо маселеси боюнча кеңешме өткөргөн. Анда тапшырмаларды так аткарган эмес деген жүйө менен аталган департаменттин мурдагы жетекчиси Улан Озумбековду кызматтан бошоткон.

Нурида Байзакова 2013-2018-жылдар аралыгында Кыргыз Республикасынын Финансы министрлигинин Бюджеттик саясат башкармалыгынын программалык бюджеттештирүү секторунун башчысы болуп иштеген.