Чүйдө бөтөлкөлөшүн өлтүрүп шкафка катып койгон шектүү кармалды

Чүйдө бөтөлкөлөшүн өлтүрүп шкафка катып койгон жаран кармалды. Бул тууралуу Чүй облустук милициясы билдирди.

Маалыматка ылайык, Люксембург айылынын тургуну ушул жылдын 8-январында 43 жаштагы бир тууганы жоголуп кеткенин айтып милицияга кайрылган. Ал өткөн жылдын декабрь айында Милянфан айылындагы үйүнөн чыгып кеткен боюнча кайтып келген эмес.

"27-декабрь күнү шектүү менен Милянфан айылынын тургуну спирт ичимдиктерин ичип отуруп уруша кеткен. Жыйынтыгында шектүү бөтөлкөлөшүн өлтүрүп салган. Андан соң сөөктү үйдүн короосундагы шкафка катып койгон. Аталган факты боюнча Кылмыш-жаза кодексинин 130-беренеси "адам өлтүрүү" менен кылмыш иши козголуп, иликтөө иштери башталды", - деп билдирет маалыматта.