ТИМ Кытайдагы лагерде этникалык кыргыздардын кармалып турганы боюнча маалымат аныкталбаганын билдирди

Кечээ, 22-февралда Тышкы иштер министри Чыңгыз Айдарбеков менен Үрүмчү шаарында Кытайдын Шинжаң-Уйгур автономдуу районунун элдик өкмөтүнүн төрагасы Шохрат Закир жолугушту. Бул тууралуу аталган министрликтин басма сөз кызматы билдирди.

Тышкы иштер министрлиги Кытайдагы лагерде этникалык кыргыздардын кармалып турганы боюнча маалымат аныкталбаганын кабарлады.

Маалыматка ылайык, жолугушууда Кыргыз-Кытай аймактык, чек ара, инвестициялык кызматташтык маселеси талкууланды. Шохрат Закир коопсуздук, терроризм, экстремизм жана сепаратизмге каршы күрөшүү багытында кызматташуу маанилүү экенин айтты. Ошондой эле ал майда мыйзам бузуулар үчүн кармалгандарды окуткан кесиптик-техникалык билим берүү борборлорунун ролу жөнүндө сөз кылып, анда этникалык абалына басым жасалбай турганын белгиледи.