Астротөлгө: 25-февралда төрөлгөндөр ойчул, сырдуу жана акылдуу болушат

Бул күнү төрөлгөндөр акылдуу адамдар болушат. Жашоонун сырын, адамдардын табиятын билүү үчүн көп окуп, изилдегенди жактырышат. Бул сапат жаштайынан эле акылман болууга жетелейт. Ойчул, сырдуу болгондуктан жанындагылардын кандай адам экенин, эмнени ойлонуп жатканын билип коюшат. Бир ишке баш-оту менен киргенде гана жөндөмдүүлүгү толук ачылат. Өзүнө абдан ишенишкени, менменсинип турганы менен, өзгөлөр аны өзүмчүл деп эсептебейт. Анткени алар болгон аракетин, көпчүлүк убактысын коомго пайда келтирүү үчүн жумшашат.

Зээндүү, сезимтал, боорукер жана жумшак мүнөзгө ээ. Адилетсиздик орун алса чындыкка жетүү үчүн талашып-тартышканын токтотпойт.

Жашоодо сүйүүгө абдан маани беришет. Өзгөрүп турган маанайын түшүнгөн, өзү менен бир толкунда жашап кетчү түгөй тапса бекем үй-бүлө курат. Болбосо жалгыз жашап жүрө беришет.