Кыргыз улуттук курама командасынын футболчусу Турсунали Рустамов тажикстандык клубга өттү

Футбол боюнча Кыргыз улуттук курама командасынын оюнчусу Турсунали Рустамов тажикстандык "Хужанд" командасына өттү. Бул тууралуу Кыргыз Республикасынын футбол федерациясы билдирди.

Маалыматка ылайык, Турсунали Рустамов менен аталган клубдун ортосундагы келишим 1 жылга түзүлгөн. Бул боюнча Турсунали Рустамов: "Ташкент шаарына "Андижан" командасы менен келишим түзүү үчүн келгем, бирок ал ишке ашпай калды. Ошол учурда "Хужанд" клубунан жакшы сунуш келип калды", - деп айтты.

Футболчу келе жаткан сезондо "Андижан" командасы менен АФК Кубогунун тандап алуу туруна катышат. Анда 6-мартта жана 13-мартта АФК Кубогунун финалдык баскычына өтүү үчүн "Алай" - "Ахал" клубдарынын беттешинин жеңүүчүсү менен ойнойт.

29 жаштагы Турсунали Рустамов "Алга" клубунун негизги оюнчуларынын бири болуп келген жана Кыргыз улуттук курама командасы менен Азия Кубогунда 3 оюнга катышып, 1 гол жаратканга жетишкен.