Жалал-Абад. Жыл башынан бери Жалал-Абад шаарында төрөттөн көз жумган энелер боло элек

Бүгүн, 24-июлда Жалал-Абад шаардык мэриясында 6 айдын жыйынтыгын чыгарган коллегиялык жыйын болду. Ага шаар башчысы Муктар Арапбаев жана башка тийиштүү жетекчилер катышты. Жыйында шаардагы мекеме, ишканалардын жетекчилери жарым жылда жасаган иштери боюнча маалымат беришти. Үй-бүлөлүк медицина борборунун жетекчисинин орун басары Гүлнара Маматалиева 6 ай аралыгында шаарда 1109 ымыркай төрөлгөнүн билдирди. Төрөт учурундагы энелердин өлүмү 6 айдын ичинде катталган эмес.