Жалал-Абад. Шаардагы мектептерге 18 мугалим жетишпейт

Жалал-Абад шаарында 2012-2013-окуу жылында орто мектептерде 15871 окуучу билим алса, 1054 мугалим иштеген. Маалыматты 24-июлда шаардык билим берүү башкармалыгынын башчысы Чырмаш Дооронов айтты. Айтымында, жалпы республикалык тестирлөөдөн мыкты балл алып, артыкчылык аттестатына талапкерлер арасындагы сынактан 22 окуучу ийгиликтүү өтүшкөн. Ошондой эле 9-классты бүтүргөндөрдүн ичинен 97 окуучу өзгөчө үлгүдөгү күбөлүккө ээ болушту. Ал эми 2012-2013-окуу жылында мектептерди оңдоп-түзөө иштерине республикалык бюджеттен 1 342 900 сом, жергиликтүү бюджеттен 1 740 600 сом бөлүнгөн. Ата-энелер фонду тарабынан 1 519 400 сом, демөөрчүлөр тарабынан 543 500 сом жана долбоорлор аркылуу 13 215 232 сом бөлүнгөнү айтылды. Дооронов кошумчалагандай, жаңы окуу жылына шаарга 18 мугалим жетишпейт.