Германияда кудуктун капкагына тыгылып калган семиз келемиш куткарылды

Германиянын Бенсхайм шаарынын куткаруу кызматы семиздигинен кудуктун капкагындагы тешикке тыгылып калган келемишти куткарды. Аны куткарууга жергиликтүү жаныбарларды коргоо уюмунун кызматкерлери жана өрт өчүрүү кызматынын кызматкерлери катышкан. Окуя тууралуу чет элдик маалымат булактары жазып чыкты.

"Жекшемби күнү куткаруу кызматына таң калычтуу билдирүү келип түшкөн. Ага өрт өчүрүү кызматы жана ыктыярчылар чыгып кеткен. Жаныбарларды коргоо уюмунун Михаэль Зер аттуу өкүлү айтылган дарекке барып, келемишти тыгылып калган тешиктен чыгара албай койгон. Анткени ал өтө семиз болгондуктан келемишке зыян келтирип алуудан корккон", - деп жазылат маалыматта.

Михаэль Зердин айтымында, келемиштин денесинде кышы бою май топтолгон. Куткаруучулар кудуктун капкагын ачып, келемишти ылдый жагынан тартып алышкан. Жергиликтүү окуяга күбө болгон тургундар 1 келемиш үчүн ушунча адам убакыт коротпой эле койбойбу деп сындашкан. Жаныбарларды коргоо уюмунун кызматкери "адамдар жаман көрсө дагы келемиш тирүү жандык, ага да жашоо керек" деген.