Кыргыз өлкөсү алгачкы ирет кумда ойнолуучу футбол боюнча Азия чемпиондугуна катышат

Кыргыз өлкөсү алгачкы ирет кумда ойнолуучу футбол боюнча Азия чемпиондугуна катышат. Бул тууралуу Жаштар иштери, дене тарбия жана спорт агенттигинен билдиришти.

Белгилүү болгондой, Азия чемпиондугу 5-марттан 17-мартка чейин Таиланддын Паттайя шаарында өтөт.

"Мелдешке катыша турган курама команда кумда ойнолуучу футбол боюнча Кыргыз Кубогунун жыйынтыгы менен тандалып алынды. Январь-февраль айларында Жети-Өгүз районунун Тосор айылында окуу-машыгуу жыйындары өткөрүлдү.

Мелдешке катышуу үчүн бюджеттен 607 миң сом каралган", - деп айтылат маалыматта.

Мелдешке катышуучу курама команданын тизмеси:

Эрмек Чабалиев – дарбазачы;
Максим Максимишин – дарбазачы;
Урмат Дүйшенов – оюнчу;
Мирлан уулу Нурбакыт – оюнчу;
Бакыт Жаналиев – оюнчу;
Актилек Абдыкалый уулу – оюнчу;
Кайрат Дүйшеев – оюнчу;
Эдил Орозалиев – оюнчу;
Эрбол Алмазбеков – оюнчу;
Жыргалбек Урдөлөтов – оюнчу;
Данияр Таалайбеков – оюнчу;
Бактияр Орозалиев – оюнчу;
Тилек Асанбаев – оюнчу (резерв);
Муктарбек Орозбаков – башкы машыктыруучу;
Камчыбек Өмүрбеков – машыктыруучу;
Канатбек Жумадылов – дарыгер;
Киемидин Пириев – делегат;
Төлөгөн Сарынжыев – команда жетекчиси;
Нурлан Акысбеков – Кумда ойнолуучу футбол федерациясынын жетекчиси.

Чүчү кулактын жыйынтыгы менен Кыргыз курамасы Бириккен Араб Эмираттары, Кытай жана Ливан өлкөлөрү менен "В" тайпасына туш келген. Мелдеште алдыңкы 3 орунду ээлеген курамалар 2019-жылы Парагвайда өтө турган Дүйнө чемпиондугуна катышуу укугун алат.