"Акыркы күндөрү көбүрөөк ичип калган" дейт бир айдан бери дайынсыз жоголуп жаткан Мелис Рысбаевдин эжеси

Ош облусунун Ноокат районуна караштуу Гүлистан айылынын тургуну Мелис Рысбаев изделүүдө. Бул тууралуу анын эжеси Мыскал Рысбаева билдирди.

Маалыматка ылайык, дайынсыз жоголгон жаран 30 жашта.

"Иним айылдан 6-январь күнү Бишкекке иштегени келген. Ал шаарда нан жабуучу жайда иштеп жатканын айтып, күндө сүйлөшүп турчубуз. Акыркы жолу 29-январда сүйлөшкөнбүз. Айта кетчү нерсе акыркы кездери ал ичкиликке берилип калган. Маалыматым боюнча, инимди 164-маршруттук каттамдын акыркы аялдамасынан көргөндөр бар экен", - деп билдирет Рысбаева.

Изделип жүргөн жаран сүрөттөгү кийимдерин кийип жүргөн боюнча жоголгон.

Сүрөттөгү жаранды көргөн-билгендер болсо, төмөндөгү номерлерге байланышууну өтүнөт.

Байланыш телефону: +7 999 854 55 09, +7 925 866 00 74