Ош шаарында троллейбустар толугу менен автоматтык тейлөөгө өттү

Ош шаарында троллейбустар толугу менен автоматтык тейлөөгө өттү. Бул тууралуу мэриянын басма сөз кызматы 28-февралда кабарлады.

Маалым болгондой, март айында автобустар да автоматтык тейлөөгө өтүшмөкчү.

"Буга чейин №1 каттамындагы 14 троллейбус автоматтык тейлөөгө өткөн болчу. Азыр №2 багыт боюнча каттаган троллейбустар да жол кирени электрондук карта менен кабыл ала башташты. Тактап айтканда, жалпы 28 троллейбус автоматташтырылган электрондук төлөм системи менен иштей баштады. Март айында автобустар да автоматтык тейлөөгө өтөт", - деп кабарлашты мэриядан.

Картаны алуу учурунда жарандарда паспорт жана ардагерлердин күбөлүгү болушу шарт. Картадагы балансты толуктоо үчүн терминалдар Ош шаардык муниципалдык автоунаа мекемесинде, ОшМУ, ОшТУ, ОшКУУ жогорку окуу жайларында орнотулган.