Эки ай мурун ак жоолук салынган келин жашоо үчүн күрөшүп жатат. "Кызым боорун алмаштырууга муктаж" дейт апасы

Ысык-Көл облусунун Кең-Суу айылынын тургуну 24 жаштагы Айжамал Калыева бир жарым жылдан бери оор дарт менен алышып келе жатат. Ага боордогу альвеококкоз диагнозу коюлган. Эки ай мурун ак жоолук салынып турмушка чыккан. Тилекке каршы, үй-бүлөсү менен бактылуу күндөрдү өткөрүүнү кыялданган кыз азыр жашоо үчүн күрөшүүдө.

"Кызыбыз учурда үйдө, абалы оор. Операция жасоо үчүн тез арада Индияга алып барышыбыз керек болууда. Акча каражаты жок болуп, элден жардам сурайбыз. Былтыр бул жакта операция жасалган. Бирок дарыгерлер "боору жарабай калыптыр, алмаштыруу керек" дешти. Индияга анализдеринин жыйынтыгын жөнөтсөк "эки аптанын ичинде алып келгиле" деген жооп келди. Операция жасатууга 30-35 миң доллар керек экен", - деди Айжамалдын апасы.

Керебетте кыймылсыз жаткан Айжамал Калыева "Бир жарым жылдан бери оорунун азабын тартып келе жатам. Эки айда ичиме суу толуп калды. Суу трубка менен чыгат. Дарыланып жатканда аллергия пайда болуп, денеме бир нерселер да чыгып кетти" деди.

Айжамал Калыеванын жакындары кайрымдуу адамдардан жардам сурашат. Жардам берүү жолдору:

Элсом: 0704 85 74 35