Ош шаарында таштанды ташыган унаалар күн сайын бекер жуулууда

Ош шаарындагы таштандыларды ташуучу унаалар күн сайын бекер жуулууда. Бул тууралуу "Ош Тазалык" ишканасынын башчысы Шайлообек Атазов билдирди. Айтымында, таштанды ыргытуучу жердин жанында унаа жуучу жай ачылган. “Бул жайдын кызматынан “Ош Тазалык” ишканасынын гана унаалары колдоно алат. Таштанды төгүлгөн соң унаалар жуулуп, токтотуучу жайга коюлат”,- деди ал. Маалыматка ылайык, учурда шаар боюнча 32 таштанды тазалоочу унаа бар.