Мамлекеттик бажы кызматынын төрагасы Түркия элчилигинин соода боюнча кеңешчиси менен жолугушту

Мамлекеттик бажы кызматынын төрагасы Адамкул Жунусов Түркия элчилигинин соода боюнча кеңешчиси Чагатай Өзден менен бүгүн, 25-июлда жолугушту. Анда эки тараптуу кызматташуу жана 2012-жылдын 4-апрелинде өкмөттөр аралык кыргыз-түрк соода-экономикалык кызматташтык боюнча комиссиянын 6-отурумунда кабыл алынган протоколдо бекитилген бажылык кызматташуу боюнча иш чаралардын аткарылышы талкууга алынды. Бул тууралуу аталган мекеменин басма сөз кызматы билдирди. Мындан тышкары тараптар 2013-жылы өткөрүүгө пландаштырылган  өкмөттөр аралык кыргыз-түрк соода-экономикалык кызматташтык боюнча комиссиянын 7-отуруму боюнча пикир алмашышты. Жолугушуунун жыйынтыгында Жунусов Түркия тарап менен Мамлекеттик бажы кызматы мындан ары да активдүү кызматташууга даяр экендигин баса белгиледи.