Бүгүн парламентте курулуш чөйрөсү боюнча мыйзам долбоору каралат

Бүгүн, 7-мартта Жогорку Кеңеште "Курулуш чөйрөсүндөгү айрым мыйзам актыларына өзгөртүүлөрдү киргизүү жөнүндө" мыйзам долбоору каралат. Бул тууралуу парламенттин сайтына жарыяланды.

Маалыматка ылайык, курулушчулар объектилердин долбоордук документацияларын макулдашууда бир катар кыйынчылыктарга учурашат. Долбоорлоо жана куруу жүрүмдөрүн айкалыштыруу аркылуу курулушту этап-этабы менен жүргүзүү убакытты кыйла кыскартат. Күн тартипке ылайык, жыйында 6 маселе талкууланат. "Кыргыз Республикасынын айрым мыйзам актыларына өзгөртүүлөрдү киргизүү жөнүндө" мыйзам долбоору, "КМШ мамлекеттеринин куралдуу күчтөрүнүн кызыкчылыгында геомейкиндиктик маалыматтарды алмашуу жаатында кызматташуу жөнүндө макулдашууну ратификациялоо тууралуу" мыйзам долбоору каралат.