Жаңы тренд: Манжанын шакек салган жерине бриллиант чөгөрүп жатышат

Жаңы аталган тренд "манжадагы пирсинг" деп аталат. Мындай маалыматтар жана сүрөттөр интернет тармагында тароодо. Анда манжанын шакек салган жерине баалуу таштарды жана бриллиантты терини тешип туруп чөгөрүп коюшат.

Социалдык тармактар аркылуу бул көрүнүш популярдуу болууда. Баалуу ташты манжага чөгөргөн адистер бул коркунучсуз жана бир нече жыл аны чыгарбай жүрө берсе болорун айтышат. Колуна таш чөгөрткөндөр ынгайсыздыктарын да санап, жазышууда. Маселен, бул кооздук менен манжаны кууш жерлерге салганда, кол кап кийгенде жана спорттун бокс түрү менен машыкканда ыңгайсыз келерин санашат.

"Ар дайым шакек салынып жүргөндөр күнгө күйгөн учурда шакектин орду ак боюнча калып калган жагымсыз көрүнүштөн арылтат экен", - дегендер да бар. Баалуу ташты чөгөрүү үчүн колдун тиешелүү жери тешилип, ага темир орнотулат. Андан соң анын үстүнө кардар тандаган каалаган ташы чөгөрүлөт.