Супер-Инфо
super.kg видео
ТЕСТ: Нарцисс гүлүн эмне үчүн мал жебейт? Гүлдөр тууралуу тесттен өтүңүз
Дүйнө жүзүндө гүлдүн 258 миң 600дөн ашык түрү бар экени жазылат. Алардын ар бири табияттын өзгөчө белегиндей. Гүл адамга көңүл буруу, сыйлоо, урматтоонун белгиси катары тартууланат. Ал эми жаратылышта кооздук, сулуулук, гармония, тынчтык, назиктикти тартуулаган көрүнүш. Ар бир гүлдүн өзүнчө өсүү өзгөчөлүгү, жыты, артыкчылыгы бар. Төмөндө гүлдөр тууралуу кызыктуу маалыматтар камтылган тест сиздин бул багыттагы маалыматыңызды сындан өткөрөт.
кошулду
1
2
3
4
5
6
7
8
9
10
11
12
13
14
15
Сирень көп жылдык гүлдөрдүн катарында. Ал канча жыл жашайт?
Сирень жакшы шартта 100 жылга чейин жашайт. Анын 30дай түрү кездешет. Ал бадал сындуу өсүп бийиктиги 3-7 метрге чейин жетет.
20 жыл
100 жыл
12 жыл
Төмөндөгү гүлдөрдүн ичинен кайсынысы суусуз өсүүгө чыдамдуу?
Алоэ. Бул гүл суу куюлбаган шартта 7 жылга чейин жашай алат. Ошол эле учурда ал өсөт.
герань
жасмин
алоэ
Лилия желекчеси аз гүл болуп саналат, анда канча желекче бар?
Лилияда 6 желекче бар. Гүлдүн ортосунан 6 аталык чыгып турат. Темгил жана тармал деген сортторунда гана желекчелер көбүрөөк.
16
4
6
Роза гүлү учурда дүйнө эли кеңири колдонуп жүргөн баш кийимдин жаралышына себеп болгон. Ал кайсы баш кийим?
Шляпа. Францияда орто кылымда аялдар роза гүлүнөн куралган венокту башына кийип, күндөн коргонушкан. Кийин бул идеядан дизайнерлер шляпаны чыгарышкан.
Шляпа
Кепка
Беретка
Дүйнөдө орхидеянын канча түрү бар?
25 миң түрү бар. Орхидея дүйнөдө түрү эң көп гүл катары да белгилүү, бирок анын бир сорту башка сортуна окшошпойт, өзгөчөлөнүп турат.
8 түрү
25 миң түрү
20 түрү
Чыгыш өлкөлөрүндө, өзгөчө Түркияда "салеп" аттуу суусундук кенен жайылган. Ал кайсы гүлдөн даярдалат?
"Салеп" - орхидея гүлүнүн тамырларынан алынган порошок кошулуп даярдалган ысык суусундук. Ал Түркиянын салттуу суусундугу катары саналат.
Мамыры гүлү
Орхидея
Жоогазын
Розанын 1 килограмм майын алуу үчүн бул гүлдүн канча көлөмдөгү желекчеси керектелет?
Роза гүлүнүн желекчелеринен алынган май дүйнөдөгү эң кымбат май болуп эсептелинет. Анын баасы алтындан жогору турат. Роза майы көп учурда парфюмериялык жана косметикалык каражаттарды даярдоодо пайдаланылат.
20 килограммдан 50 килограммга чейин
3 тоннадан 5 тоннага чейин
100 килограммдан 1 тоннага чейин
Экинчи дүйнөлүк согуш учурунда немистерге кайсы гүлдүн тамырын кофенин ордуна кууруп беришкен?
Каакым. Каакымдын тамырын кууруганда кадимки кофенин даамын берет. Экинчи дүйнөлүк согуш учурунда кофенин тартыштыгынан немистер жоокерлерине каакымдын тамырын кууруп кофе ордуна беришкен.
Каакым
Калла
Гвоздика
Гинекологиялык ооруларга даба катары колдонулган гүлдү табыңыз...
Ромашка. Анын илимий аталышы Matricaria - "жыныс үчүн чөп" деп аталат. Кийинчерээк аны медицинада гана эмес, косметологияда да кенен колдоно башташты.
Ромашка
Калла
Гербер
Жоогазын эң тез өскөн өсүмдүктөрдүн катарына кирет. Суткасына канча сантиметр өсөт?
Жакшы каралган жоогазын күнүнө 2 сантиметрден өсөт. Сортуна ылайык алардын бийиктиги 20 сантиметрден 60 сантиметрге чейин жетет.
2 сантиметр
6 сантиметр
4 сантиметр
Вазада эң көп убакытка соолубай турган гүлдү атаңыз...
Хризантема вазада көпкө чейин соолубай тургандыгы менен бааланат. Суусун бат-баттан алмаштырып турган шартта аталган гүл 30 күнгө чейин өзүнүн кооздугун жоготпойт.
Роза
Лилия
Хризантема
Өлкөдө байчечекейдин канча түрү өсөт?
Байчечекейдин дүйнө жүзү боюнча 80 түрү болсо, анын 2 түрү Кыргыз жергесинде өсөт. Алар Шафран Алатавский жана Шафран Королькова түрлөрү болуп саналат.
55
11
2
Төмөндөгү гүлдөрдүн кайсынысын мал дээрлик жебейт?
Нарцисс гүлүнөн уулуу шире бөлүнүп чыккандыктан аны мал жебейт. Флористтер да букетке башка гүлдөргө кошуп көп сала беришпейт, анткени анын уусу жанындагы гүлдөрдү соолутуп коёт.
Нарцисс
Орточо чымылдык
Күрөң чыраш
Дүйнөдө сейрек кездешкен, өлкөнүн Баткен облусунда өскөн Айгүл гүлү эгилгенден канча жылдан кийин гүл ачат?
Айгүл эгилгенден 7-8 жылдан кийин гүлдөйт. Эң кызыгы гүлдүн чаңдашуусуна сур чымчык да катышат. Жаратылышта уругу аркылуу көбөйөт.
Бир жылдан кийин
Эгилген жылы эле гүлдөйт
7-8 жылдан кийин гүлдөйт
Ачылып турган гүл түнкүсүн жабылат. Бул аны эмнеден коргойт?
Гүлдөрдүн түнү жабылышы илимий тилде никтинастия деп аталат. Гүл түнкүсүн жабылып, өзүнүн репродуктивдүү органын сууктан, шүүдүрүмдүн муздактыгынан сактайт. Түнү гүлдөрдүн уруктануусун жөндөгөн аарылар уюгуна киргендиктен алардын уруктануусу күндүзү, күн ачылган учурда гана жүргүзүлөт.
Түнкү курт-кумурскалардан коргонот
Гүл түнкүсүн жабылып, өзүнүн репродуктивдүү органын сууктан, шүүдүрүмдүн муздактыгынан сактайт
Караңгыда өңүнүн өзгөрүп кетишинен сактайт
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
0
1 |