Интернетке 2 айдоочунун жол талашып мушташкан видеосу тарады

Бишкекте 2 айдоочу жол талашып уруша кетип, бири жерге жыгылып калды. Окуя Манас кең көчөсү менен Москва көчөлөрүнүн кесилишинде орун алган.

Бүгүн, 12-мартта видео интернетке тарап, учурда Бишкектеги Биринчи Май РИИБи тарабынан тактоо иштери жүрүп жатат. Мекеменин басма сөз кызматы окуя качан орун алганын, эмнеден улам келип чыкканын жана кимдер катышканын тактаган соң толук маалымат тарата турганын билдирди.

Видеодон жол талашуудан улам бир айдоочу экинчисин уруп койгонун, катуу сокку алган айдоочу жерге башын кармап жатып калганын көрүүгө болот. Бул учурда ага кол көтөргөн айдоочу качып кетүүгө аракеттенип бирок ошол жерде турган адамдар токтотуп калышты.

"Тез жардам" кызматы бүгүн аталган көчөлөрдүн кесилишинен чакыруу түшпөгөнүн билдирди.