Чек ара кызматы: "Кыргыз-тажик чек арасында топтолгон жарандар дээрлик тарап кетишти"

Кыргыз-тажик чек арасында топтолгон жарандар дээрлик тарап кетишти. Бул тууралуу Чек ара кызматынын маалымат кызматы билдирди.

Маалыматка ылайык, учурда абал бир топ турукташып калды, бирок Исфара-Ворух, Баткен-Лейлек автожолдору жабык бойдон калууда.

"14-март күнү кечинде абалды турукташтыруу үчүн эки тараптын делегацияларынын жолугушуусу болду. Жолугушууга Кыргыз тараптан вице-премьер-министр, Чек ара кызматынын төрагасы, өкмөттүн Баткен облусундагы ыйгарым укуктуу өкүлү, ички иштер министринин орун басары жана күч структураларынын өкүлдөрү катышты. Жолугушуу бүгүн да уланат.

Чек арага жакын жайгашкан аймактардын жашоочуларына эки тараптан тең түшүндүрүү иштери жүргүзүлүүдө. Чек ара кызматы күчөтүлгөн тартипте иш алып баруусун улантууда", - деп айтылат маалыматта.