Бир апта ичинде Бишкектин "185" ыкчам чара көрүү кызматына 179 кайрылуу түштү

Үстүбүздөгү жылдын 19-июлунан 26-июлуна чейинки мезгилде Бишкек шаарынын ыкчам чараларды көрүү “185” кызматына шаар тургундарынан 179 кайрылуулар келип түштү. Мэриянын басма сөз кызматы билдиргендей, алардын катталганы 87 болсо, 80 арызга тиешелүү чаралар көрүлдү. Шаар тургундары негизинен электр энергиясы менен камсыздоо маселелери  боюнча кайрылышкан (56 кайрылуу).