ИИМ: "Кыргыз-Тажик чек арасында түндө мыйзам бузуулар жана тартип бузуулар катталган жок"

Кыргыз-Тажик укук коргоо органдары жана жергиликтүү бийлик биргелешип эл арасында аткарылып жаткан маселелер боюнча түшүндүрүү иштери тынымсыз жүргүзүлүп жатат. Бул тууралуу бүгүн, 16-мартта Ички иштер министрлигинин басма сөз кызматы билдирди.

Маалыматка ылайык, түнү бою Кыргыз-Тажик милициясынын биргелешкен тобу чек ара такталбаган аймактарында кызмат өтөштү. "Эч кандай мыйзам бузуулар жана тартип бузуулар катталган жок. Абал туруктуу. Кечээ, 15-мартта кечинде ички иштер министри Кашкар Жунушалиев күчөтүлгөн тартипте кызмат өтөп жаткан милиция кызматкерлери менен жолугушуп, атайын инструктаж өткөрүп, кошумча тапшырмаларды белгиледи.
Коомдук тартипти сактоо, жарандардын коопсуздугун сактоого багытталган кызмат өтөө учурунда мыйзамдуулукту сактоо, эч кандай мыйзам бузууларга жол бербөө, тургундарга жардам берүү жана жергиликтүү бийлик органдары менен түшүндүрүү иштерин үзгүлтүксүз жүргүзүү маселесин койду. Ошол эле учурда милиция кызматкерлеринин шартын, эс ала турган жайын жана тамак-ашына да өзгөчө көңүл бурду", - деп жазылат маалыматта.