ЖЫЛНААМА, 17-МАРТ: Аксы окуясына 17 жыл болду

Мындан 17 жыл мурун, 2002-жылы 17-мартта эгемен Кыргыз өлкөсүнүн тарыхында кайгылуу дата катары калган Аксы окуясы болгон. Камакка алынган Азимбек Бекназаровдун тарапташтары Кербен, Жаңы-Жол, Кара-Суу жана Сары-Челекти байланыштырган жолду тосуп, бийлик менен митингчилер арасындагы тирешүү жогорку чыңалуу чегине жеткен. Тартипти көзөмөлгө алган милициянын отряды 17-март күнү Боспиек айылында топтолгон 500дөй адамга каршы ок атып, 6 киши каза болуп, 80дей адам жаракат алган.

2012-жылы ошол кездеги президент Алмазбек Атамбаев 17-мартты Аксы окуясын эскерүү күнү катары белгилөө боюнча жарлыкка кол койгон.

17-мартка карата жылнаама.