Ысык-Көл. Жети-Өгүздөгү кырсыктан жаракат алган Нуржан Абдрахманованын абалы оор

Жети-Өгүз районунан автокырсыкка кабылган 6 жабырлануучу учурда облустук ооруканада. Оорукананын жетекчиси Токтобай Маанаевдин билдирүүсүнө  ылайык,  алты бейтаптын ичинен бешөөнүн абалы кыйла жакшырып калды. "Ал эми 24-июль күнү башына операция жасалган Нуржан Абдрахманованын абалы абдан оор. Дарыгерлер болгон аракеттерин жасап жатышат. Бирок бейтаптын абалы оор бойдон калууда",- деди Маанаев. Эске сала кетсек, Нуржан Абдрахмановага атайын Бишкек шаарынан дарыгерлер келип операция жасашкан болчу.