Нарын. Облуста 256 дарыгер жетишсиз

Нарын облусунда 2013-жылдын биринчи жарым жылдыгында 6 райондук үй-бүлөлүк медицина борбору, 47 үй-бүлөлүк дарыгерлер тобу, 81 ФАП, 4 аймактык жана 1 облустук оорукана, 1 дарыгерлердин коомдук практикалык борбору калкка кызмат көрсөттү. Ошондой эле кан куюу, СПИДге, кургак учукка каршы күрөшүү боюнча облустук медициналык маалымат борборлору, облустук стоматологиялык поликлиника иштеди. Облустагы медицина мекемелеринде 600дөн ашык кызматкер иштеши керек болсо, учурда 398 гана дарыгер бар. Штаттарды толуктоо боюнча 256 дарыгер жетишсиз. 6 айдын ичинде медициналык мекемелерден 2 дарыгер өз каалоосу менен иштен кетсе, 1 дарыгер пенсияга чыккан. 10 дарыгер жумушка орношуп, 4 дарыгер каза болгон.