ЖЫЛНААМА, 22-МАРТ: Жогорку Кеңештин депутаты Абдывахап Нурбаев 49 жашка толду

Жогорку Кеңештин депутаты Абдывахап Нурбаев 1970-жылдын 22-мартында Ош облусунун Кара-Суу районундагы Төлөйкөн айылында туулган. Ал 2000-жылы Ош мамлекеттик университетин юриспруденция бөлүмүн бүтүргөн.

Нурбаев 2013-жылы Ош технологиялык университетин "өнөр жай жана жарандык курулуш" адистигин да окуган.

Эмгек жолун 1991-жылы "Ошкоопкурулуш" (ЖЧК) өндүрүштүк курулуш мекемесинде мастер, прораб болуп иштөө менен баштаган.

2001-2013-жылдары "Ошкоопкурулуш" (ЖЧК) өндүрүштүк курулуш мекемесинин башкы директору болуп иштеген;

2007-2012-жылдары Ош шаардык кеңешинин депутаты, 2012-2015-жылдары Ош бизнес ассоциациясынын башкаруу кеңешинин мүчөсү, чет элдик инвестиция тартуу бөлүмүнүн башчысы;

2008-2015-жылдары Ош шаарынын ишкерлер союзунун жетекчиси;

2012-2015-жылдары Ош шаардык кеңешинин депутаты, "Адилеттүү Кыргызстан" фракциясынын жетекчиси;

2015-жылдын 4-октябрында КСДП партиясынын тизмеси боюнча 6-чакырылыштагы Кыргыз Республикасынын Жогорку Кеңешинин депутаты болуп шайланган;

Үй-бүлөлүү, алты баланын атасы.

22-мартка карата жылнаама.