Мушкер Хабиб Нурмагомедов кийинки беттешин сентябрь айында өткөрөт

UFC уюмунун президенти Дана Уайт жеңил салмактагы чемпиондук курдун ээси Хабиб Нурмагомедовдун кийинки беттешинин датасын айтты. Бул тууралуу чет элдик спорт басылмалары жазып чыкты.

Маалыматка ылайык, Нурмагомедов сентябрь айында октагонго чыгат.

"Хабиб сентябрда чемпиондук курун коргоого аракет кылат. Азыркы учурда ал убактылуу мелдештерден четтетилген. Дисквалификациянын мөөнөтү бүткөндөн кийин ал орозо айынын аякташын күтөт", - деп билдирген Уайт.

UFC`нин президенти орусиялык мушкердин атаандашы ким болорун ачыктаган эмес. Нурмагомедов апрель айында орун алчу UFC уюмунун убактылуу титулу үчүн Дастин Пуарье-Макс Холлоуэй беттешинин жеңүүчүсүнө каршы октагонго чыгышы болжолдонууда. Ошондой эле орусиялык мушкер чемпиондук курун Тони Фергюсонго каршы беттеште коргошу да мүмкүн.