Астротөлгө: 29-мартта төрөлгөн адамдар байлыкты башкы орунга койбогону менен, ыңгайлуу шартта жашоону жактырышат

29-март күнү төрөлгөн адамдар башка кой жылдызынын алдында төрөлгөн адамдарга салыштырмалуу оор басырыктуу, кайраттуу, сүрдүү болушат. Бирок бир жагынан карасаң абдан сезимтал, романтик болуп чыга келишет. Алар бир орунда иштөөнү жактырышпагандыктан, иштеген ишин тез-тезден алмаштыра беришет. Дайыма бир нерсенин улам жакшысын тандоону адатка айландырып алышкан.

Бул күнү жарыкка келгендер көбүнчө чогуу иштеген адамдарды туура эмес тандап алып жапа чегип калышат. Себеби алардын профессионалдык деңгээлде ийгиликке жетүүсү кесиптештеринен көз каранды болгондуктан, көп учурда зыян тартып калуусу мүмкүн. Булар үчүн материалдык байлык биринчи орунда турбаса дагы жашоо-шартын ыңгайлуу түзүп алууну жактырышат. Ошол себептен бул күнү төрөлгөндөрдүн көпчүлүгү бизнес жаатында эмгектенип, ийгиликке жетүүнүн жолун таба билишет.