ЕАЭБ өлкөлөрүнүн вице-премьерлери пенсия тууралуу маселени талкуулашты

ЕАЭБ өлкөлөрүнүн вице-премьер-министрлери пенсия жөнүндө маселени талкуулашты. Бул тууралуу өкмөттүн басма сөз кызматы билдирди.

Маалыматка ылайык, жыйында бир катар маанилүү келишимдер талкууланды. Анын ичинде ЕАЭБ мүчө-мамлекеттеринде эмгектенгендерди пенсиялык камсыздоо жөнүндө келишимдин долбоору каралды. "Эмгектенгендердин пенсиялык укуктарын ишке орноштурган мамлекеттин жарандары менен бирдей шарттарда түзүү, сактоо жана ишке ашыруу, экспорттоого байланыштуу маселелерди чечүү, ошондой эле ЕАЭБ мүчө-мамлекеттеринин ортосунда пенсиялык камсыз кылуу чөйрөсүндө кызматташууну өнүктүрүү максатында иштелип чыккан", - деп жазылат маалыматта.