Иранда суу ташкынынан 45 адам каза болуп, 25 миңдей турак жайды сел алып кетти

Иранда 19-мартта башталган суу ташкынынан 45 адам каза болуп, 25 миң турак жайды сел алып кетти. Бул тууралуу чет элдик басылмалар жазып чыгышты.

Маалыматка ылайык, Ирандагы суу ташкыны Голестан жана Мазандаран провинцияларында башталган. Анда 56 миңден ашык жаран жабыркаган.

Мындан улам жергиликтүү калк коопсуз жайларга көчүрүлгөн. Алдыңкы күндөрү нөшөрлөгөн жаан жана катуу шамал дагы болорун эскертип жатат.

Ал эми бийлик Хузестан провинциясынан чочулап жатат. Себеби ал жакта плотина жана дарыя бар болгондуктан коркунуч жаратып, 56 айылдын тургундарын коопсуз жайларга көчүрүү менен иштөөдө.