Канттагы Орусиянын авиабазасынын аянтын кеңейтүү үчүн анын айланасындагы жер тилкелери сатып алынды

"Кант" Орусиянын авиабазасынын аянтын кеңейтүү үчүн анын айланасындагы жер тилкелери сатып алынды. Бул тууралуу бүгүн, 2-апрелде парламенттин Эл аралык иштер, коргоо жана коопсуздук боюнча комитетинин жыйынында Кыргыз Республикасынын Куралдуу күчтөрүнүн Башкы штабынын өкүлү билдирди.

"Авиабазанын айланасындагы жер тилкелер сатып алынып, трансформациядан өткөн", - деди ал.

Белгилүү болгондой, Кыргыз өлкөсү менен Орусиянын жаңы келишимине ылайык, авиабазанын аймагы 5 гектарга чейин кеңейтилген.