Супер-Инфо
super.kg видео
ЭЛДИК КАБАР: "Гүлжигит Сатыбеков Санкт-Петербургдагы концертине 4 саат кечигип келип, 1 саат ырдап алып кетип калды" дейт окурман
"Эли-жерибизди сагынып турган мигранттарга мекенибизден келген ырчылар жакын көрүнүп, концерттеринен калбай барабыз. Ошондой ырчылардын бири Гүлжигит Сатыбеков Орусиянын Санкт-Петербург шаарына концерт коюп келди. Чогулган эл Гүлжигиттин чыгышын 4 саат күттү", - деп жазат окурман "ЭЛДИК КАБАРГА".
"31-мартта концерт уюштурган Гүлжигит Сатыбеков аны 4 саат кечиктирип баштады. Өзү кеч башталган концертте Сатыбековдун ырдап чыгуусун зарыгып күткөнүбүз канча? Ага чейин куудул Жакут Сыдыков бир нерселерди сүйлөп, ырдап, дагы бир Улан Осмон уулу деген жаш ырчы ырдап жатты. Кечигип келген Гүлжигит Сатыбеков 1 сааттай ырдады дагы концертин бүтүрүп койду. Кийин чогулган элди күттүргөнү үчүн уялып калганбы, "2-апрелде кайра концерт болот, бүгүнкү сатып алып кирген билеттерин 2-апрелдеги концертке көтөрүп келгендер бекер кирет дешти. 2-апрелде билетин көтөрүп баргандар деле 500 рубль төлөп билет сатып алышты. Акчасы да мейли эле, элдин убактысын сыйлап ырчылар концертин өз убагында келип башташса жакшы болмок", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |