Нариман Түлеев соттогу акыркы сөзгө даярдануу үчүн бир күндүк мөөнөт сурады

Бүгүн, 29-июлда Бишкектин Ленин райондук сотунда өтүп жаткан соттук отурумда айыпталуучу Нариман Түлеев акыркы сөзгө даярдануу үчүн убакыт берүүнү өтүндү. Айтымында, ооруканада жатып даярданууга убактысы болгон эмес. “Мен сизден биринчи жолу суранып жатам, даярданганыма бир күн мөөнөт бериңиз. Ооруканада кан басымым көтөрүлүп, дене табым 39-40 градус болуп жатты. Ошондуктан убакыт болгон жок. Улуу Рамазан айында бир күн даярданууга суранып жатам”,- деди Түлеев.