Ошто улгайган адамдар үчүн “Орозо баштыгы” аттуу акция өтүүдө

Ош шаарында “Адеп башаты” коомдук фонду менен “Элим, барсыңбы?” коомдук фонду биргеликте Рамазан айына карата “Орозо баштыгы” аттуу акция уюштурушту. Ичине азык-түлүк салынган баштыктар шаардагы жардамга муктаж бей-бечараларга, балдар үйлөрүнө, карылар үйлөрүнө таратылууда. “Улгайган адамдар, жаш балдар орозо кармай албагандыгына байланыштуу баштыкка салынган азык-түлүктөрдү таратуудабыз. Ар бир баштыкта 500 сомдук азык бар. 250дөй адамга таркатканга үлгүрдүк, буюрса, орозо бүткөнчө дагы улантабыз”- дейт “Адеп башаты” коомдук фондунун башчысы Марс Ибраев.