Ош. Облус башчы Сооронбай Жээнбеков райондордогу мектептерди кышка жакшы даярдоону жетекчилерге эскертти

Өкмөттүн Ош облусундагы өкүлү Сооронбай Жээнбеков 26-июлда өткөн коллегиялык жыйында былтыр райондордогу мектептерге жеткирилген сапаты начар көмүргө байланыштуу айрым жетекчилерге эскертүү берди. Тактап айтсак, өткөн жылы Өзгөн, Ноокат, Араван райондорундагы айрым мектептерде сапаты начар көмүрлөр жеткирилген. Быйыл бул тармакка жооптуу жетекчилер мектептердеги кышка даярдык көрүү жана көмүр маселесине жоопкерчиликтүү мамиле кылуусу керектигин облус башчы баса белгиледи.