Укук коргоочу Токтайым Үмөталиева: "9 жыл мурда дал ушул күнү ок жегендер көз алдыбызда кулап жатты"

Бүгүн, 7-апрелде Бишкектеги "Медиа-Форум" имаратынын алдында КСДП партиясы Апрель революциясынын баатырларын эскерүү иш-чарасын өткөрүүдө.

Аталган иш-чарада укук коргоочу Токтайым Үмөталиева Апрель окуясында курман болгондорду эскерди.

"Бул тарыхта калган күн болду. Толкуган эл биринин колунан бири курал талашып жатканын өз көзүбүз менен көрдүк. Көз алдыбызда ок жеп каза болгондор жыгылып жатты.

Алмазбек Атамбаев, сиз мыкты өлкө башчы болдуңуз. Кыргыз мамлекетинде тынчтык жолу менен бийликти өткөрүп бердиңиз. Бул сиздин айкөлдүк кылганыңыз. Эл рахмат айтышы керек. Ошондой эле 7-апрелде жакындарын жоготкондор, кайрат кылыңыздар", - деди укук коргоочу.

Мындан тышкары Үмөталиева Бишкектеги борбордук аянтта кан төгүлгөн жерлерге жылдызча белгилерин түшүрүүнү сунуштап, эл тебелебесин деп белгиледи.