ӨКМ: "Жыл башынан бери аба ырайына байланыштуу 39 жолу шашылыш билдирүү берилген"

Жыл башынан бери аба ырайына байланыштуу 39 жолу шашылыш билдирүү берилген. Бул тууралуу Өзгөчө кырдаалдар министрлигинин 2013-жылдын биринчи жарым жылдыгында жасалган иштерди талкуулаган коллегиялык жыйында айтылды. Алардын 16сы кар көчкү түшүү коркунучу боюнча, 18и сел коркунучу боюнча, 4тү аба ырайынын кескин өзгөрүшү боюнча, бирөөсү үшүк жүрүшү боюнча болгон. Ошондой эле ӨКМ тарабынан 6 айда 3 комплекстүү окуулар, 4 командалык-штабдык окуулар, 9 штабдык машыктыруу жана 2 атайын-тактикалык окуулар өткөрүлгөн.