Депутат Балыкчы шаарындагы көйгөй боюнча өкмөт өкүлүнө төрт жолу кайрылса да, эч нерсе чечилбегенин айтты

Депутат Алтынбек Жунус уулу Балыкчы шаарындагы көйгөй боюнча өкмөт өкүлүнө төрт жолу кайрылса да, эч нерсе чечилбегенин айтты. Бул тууралуу ал бүгүн, 11-апрелде Жогорку Кеңештин жыйынында билдирди.

"Эки-үч жыл мурун Балыкчы шаарынын борбордук көчөлөрүнүн биринин асфальтын сыйрып салышкан, ошондон бери оӊдолбой турат. Ал жердеги шамалды билесиӊер, шаардыктар чаӊдан арылбай калды. Колунан келбегенден кийин сыйрыбай коё турса болмок. Жергиликтүү тургундар нааразы, кайрылбаган жери калган жок. Балыкчы шаарынын тургундары кайра-кайра кайрылып чарчап бүтүштү. Мен дагы өкмөт өкүлүнө ушуну менен төрт жолу кайрылдым, эч нерсе чечилген жок. Качан чечилет, ачыгын айтып койгулачы? Мен билгенден, жолду курууга 250 миллион сом бөлүнгөн, анын кайда жумшалганынын дайыны билинбей калды. Жок дегенде 7 чакырым жол асфальтталса шаар тургундары чаӊдан арылып калмак", - деп кошумчалады ал.